Qashqadaryo viloyatining Kitob tumanida ikkita Damas va Nexia ishtirokida YTH sodir bo‘ldi. Bu haqda Yo‘l harakati xavfsizligi xizmati matbuot xizmati xabar berdi.
Voqea 3-avgust kuni soat 19:00 larda Qashqadaryo viloyati, Kitob tumani hududidan o‘tuvchi 4K-23 Kitob—Shahrisabz avtomobil yo‘lining 5-kilometrida yuz bergan.
Haydovchi M.Q. Damas avtomobilida qoidani buzgan holda ortga qayrilib olayotgan vaqtda, bir yo‘nalishda harakatlanib kelgan boshqa bir Damas bilan to‘qnashgan. Yaqin atrofda harakatlanib o‘tayotgan Nexia ham ushbu transport vositalariga to‘qnashib, YTH ishtirokchisiga aylangan.
Oqibatda Nexia haydovchisi tan jarohati olib shifoxonaga yotqizilgan.
Mazkur YTH yuzasidan Kitob tumani IIB huzuridagi TB xodimlari tomonidan tergovga qadar tekshiruv harakatlari olib borilmoqda.
Izoh (0)