Davlat statistika qo‘mitasi O‘zbekistonning shahar va qishloqlarida aholi soni bo‘yicha ma’lumotlarni e’lon qildi.
Unga ko‘ra, 2022-yilning 1-iyul holatiga O‘zbekistonda yashovchi doimiy aholi soni 35 603,4 ming kishini tashkil etgan. Ularning 17 913 ming nafari erkaklar, 17690,4 ming nafari ayollar bo‘lgan.
Shundan shahar aholisi soni 18 117 ming kishiga teng bo‘lgan. Ularning 9076,9 ming nafari erkaklar, 9040,1 ming nafari ayollar.
Qishloqlarda esa 17486,4 ming kishi istiqomat qilgan. Ularning 8836,1 ming nafarini erkaklar, 8650,3 ming nafarini ayollar tashkil etgan.
Qo‘mita ma’lumotiga ko‘ra, O‘zbekistonda 2022-yilda shaharda yashovchilar qishloqda yashovchilar sonidan oshdi. 1991-yilda respublika aholisining 40,3 foizi shahar joylarda istiqomat qilgan bo‘lsa, 2022-yilga kelib bu ko‘rsatkich 50,9 foizga yetgan.
Izoh (0)