Ijtimoiy tarmoqlarda Farg‘onada yo‘lovchi ayol harakatlanayotgan avtomashina salonidan tanasining bir qismini chiqarib ketayotgani aks etgan video tarqaldi. Farg‘ona viloyati IIB YHXB axborot xizmatining ma’lum qilishicha, ushbu avtomashina haydovchisi va yo‘lovchi ayol javobgarlikka tortilgan.
Qayd etilishicha, viloyat yo‘l harakati xavfsizligi xodimlari tomonidan ushbu transport vositasi aniqlanib, haydovchi M.B.ga nisbatan Ma’muriy javobgarlik to‘g‘risidagi kodeksning 128-moddasi 1-qismiga asosan tegishli tartibda ma’muriy bayonnoma rasmiylashtirilgan.
Shuningdek, ushbu avtomobilda yo‘l harakati qoidalarini buzib harakatlangan yo‘lovchi ayol O.K. ham Ma’muriy javobgarlik to‘g‘risidagi kodeksning 138-moddasi 4-qismiga (Transport vositasi harakatlanayotgan vaqtda yo‘lovchi tomonidan tana qismlarini (qo‘ldan tashqari) salondan chiqarish) asosan javobgarlikka tortilgan.
Izoh (0)