O‘zbekiston Respublikasi mudofaa vaziri general-leytenant Bahodir Qurbonov O‘zbekistonga rasmiy tashrif bilan kelgan Tojikiston Respublikasi mudofaa vaziri general-polkovnik Sherali Mirzo rahbarligidagi harbiy delegatsiyani qabul qildi. Bu haqda vazirlik axborot xizmati xabar qildi.
Uchrashuv davomida hamkorlik masalalari nafaqat siyosiy, iqtisodiy, madaniy va gumanitar sohalarda, balki mudofaa va xavfsizlik sohalarida ham yuqori bosqichlarga ko‘tarilgani ta’kidlanib, mudofaa sohasidagi o‘zbek-tojik munosabatlarining holati, ularni kengaytirish choralari hamda mintaqaviy xavfsizlik masalalari muhokama etilgan.
Muhokamalardan so‘ng Tojikiston Respublikasi harbiy xizmatchilarini O‘zbekiston oliy harbiy ta’lim muassasalarida ta’lim olishini tashkillashtirish borasida qo‘shimcha shartnoma imzolangan.
Shundan so‘ng mehmonlar O‘zbekiston Respublikasi mudofaasini boshqarish milliy markazi faoliyati bilan yaqindan tanishgan.
Izoh (0)