Futbol bo‘yicha Turkiya chempionatining 1-turida “Fotih Karagyumryuk” jamoasi 7-avgust, yakshanba kuni “Alanyaspor”ni qabul qildi.
Andrea Pirlo qo‘l ostidagi jamoa 2:4 hisobida imkoniyatni boy berdi.
Mazkur uchrashuvda o‘zbekistonlik futbolchi Otabek Shukurov “Fotih” safida debyutini o‘tkazdi. Asosiy tarkibda tushgan Shukurov 87-daqiqada zaxiraga olindi.
Shu tariqa Turkiya Superligasida ilk bor o‘zbekistonlik futbolchi debyut qildi. Bunga qadar O‘zbekiston vakili Turkiya oliy divizionida to‘p surmagandi.
Shukurov 2022-yilgi yozgi transfer oynasida “Sharja”dan “Fotih Karagyumryuk” safiga o‘tgandi.