Reuters agentligining xabar qilishicha, Xitoy hukumati mintaqadagi status-kvoni o‘zgartirishga urinmoqda va e’lon qilingan mashg‘ulotlar navbatdagi provokatsiyadir, deya ta’kidlangan Tayvan Tashqi ishlar vazirligi bayonotida.
Diplomatik departamentning qayd etishicha, hech bir davlat xorijlik mansabdor shaxsning tashrifidan, jumladan, AQSH Kongressi Vakillar palatasi spikeri Nensi Pelosining Tayvanga tashrifidan provokatsiyalar uchun bahona sifatida foydalana olmaydi.
Tayvan Tashqi ishlar vazirligi G7 davlatlariga “Hind-Osiyo mintaqasida tinchlik va barqarorlikni qo‘llab-quvvatlaganliklari” uchun minnatdorchilik bildirdi.
Shu bilan birga, Xitoy Xalq Respublikasi Davlat kengashining Tayvan ishlari bo‘yicha boshqarmasi matbuot kotibi Ma Syaoguang Tayvan masalasi mintaqaviy masala emas, balki Xitoyning ichki ishi ekanini ta’kidlagan.
Bu (Pelosining Tayvanga tashrifi) “demokratik erkinliklar”ni himoya qilish va saqlashga qaratilgan emas, balki Xitoyning suvereniteti va hududiy yaxlitligiga provokatsiya va tantanali ravishda aralashishga qaratilgan, — degan u.Ma’lumot uchun, Tayvan 1949-yilgi fuqarolar urushi paytida Xitoydan ajralib chiqqanligini e’lon qilgan. Biroq Pekin orolning mustaqilligini tan olmaydi va uni o‘zining viloyati deb biladi. Viloyatning ma’muriy maqomi esa hal qilinmagan.
Rasmiy ravishda Qo‘shma Shtatlar Tayvan hukumati bilan hech qanday aloqaga ega emas, ammo 1979-yildan beri ular o‘rtasida bir qonun amal qiladi, unga ko‘ra, Vashington mintaqani mudofaa qurollari bilan ta’minlashi mumkin. Shunga qaramay, AQSH rasmiylari “yagona Xitoy” siyosatini ham qo‘llab-quvvatlashini bir necha bor ta’kidlagan.
Mavzuga doir: Xitoy elchisi Britaniya deputatlarining Tayvanga tashrifi oqibati yomon bo‘lishidan ogohlantirdi
Izoh (0)