Surxondaryo viloyati Qumqo‘rg‘on tumanida fuqarolar tomorqasida nasha yetishtirgani aniqlandi. Bu haqda “Postda” nashri xabar berdi.
Unga ko‘ra, Qumqo‘rg‘on tumanidagi “To‘g‘on” mahallasida yashovchi B.Q.ning tomorqasi tuman IIB hamda DXX tuman bo‘limi xodimlari tomonidan ko‘zdan kechirilgan. Aniqlanishicha, fuqaro hovlisida 7 tup nasha o‘simligini ekib, parvarishlab kelgan.
Shu mahalladagi yana bir xonadon — B.J.ning ham yashash uyi yerto‘lasidan sof og‘irligi 26,54 gramm bo‘lgan marixuana giyohvandlik moddasi hamda tomorqasida 4 tup nasha o‘simligi borligi aniqlangan.
Ikkala xonadon vakiliga ham jinoyat ishi qo‘zg‘atilgan.
Izoh (0)