O‘zbekistonda talabalarning oliy ta’lim tashkilotlari hududidagi mehnatini rag‘batlantiriladi. Bu haqda Davlat soliq qo‘mitasi xabar bermoqda.
Bunday norma 2022-yilning 26-iyulidan boshlab amal qiladi.
Qanday faoliyat turlari rag‘batlantiriladi?
Oliy ta’lim tashkilotlari hududida quyidagi faoliyat turlari tashkil etilgan rag‘batlantiriladi:
- pullik o‘quv kurslari;
- sport to‘garaklari;
- boshqa ta'lim xizmatlari.
Talabalarning ushbu faoliyat turlaridan olgan daromadlari jismoniy shaxslardan olinadigan daromad solig‘idan ozod qilinadi.
Masalan, talaba o‘zi o‘qiyotgan universitet hududida sport to‘garagi tashkil qildi va 5 mln so‘m ishlab topdi. 5 mln so‘mning hammasi — bu talabaning daromadi va ushbu summadan soliq to‘lanmaydi.
Imtiyozdan qanday foydalansa bo‘ladi?
Buning uchun talaba quyidagi tarzda o‘zini o‘zi band qilgan shaxs sifatida ro‘yxatdan o‘tishi kerak:
- Soliq mobil ilova /iOS orqali;
- soliq to‘lovchining shaxsiy kabineti orqali;
- soliq xizmatida.
Ro‘yxatdan o‘tish uchun nimalar kerak bo‘ladi?
Quyidagilarni ko‘rsatgan holda so‘rovnomani to‘ldirish:
- JShShIR;
- amalga oshirmoqchi bo‘lgan faoliyat turi;
- mehnat faoliyatini amalga oshirish nazarda tutilgan manzil;
- mobil telefon raqami.
FISh, pasport yoki ID-kartasi ma’lumotlari, yashash joyi DSQ va IIV ma’lumotlar bazasidagi ma’lumotlar asosida avtomatik tarzda shakllantiriladi.
Izoh (0)