Namangandagi bog‘chada tilini chaynab yuborgan 5 yoshli bola vafot etgani yuzasidan qo‘shimcha ma’lumot berildi

Namangandagi bog‘chada tilini chaynab yuborgan 5 yoshli bola vafot etgani xabar qilingandi. Viloyat prokuraturasi holat yuzasidan rasmiy munosabat bildirdi.

Unga ko‘ra, 1-avgust soat 17:50 da Chust tumani maktabgacha ta’lim bo‘limiga qarashli 64-sonli maktabgacha ta’lim muassasasida 2017-yilda tug‘ilgan voyaga yetmagan Sh.A. sog‘ligi yomonlashib, to‘satdan vafot etgan. Ko‘zdan kechirish davomida marhumning egnida va uning tanasida tan jarohati izlari aniqlanmagan.

Ekspertlarning dastlabki ma’lumotnomasida voyaga yetmagan Sh.A.ning o‘limi bolalar pnevmoniyasi va o‘pka shishi oqibatida kelib chiqqani ko‘rsatilgan. Tergovga qadar tekshiruv davomida MTM xodimlarining harakatlariga huquqiy baho berish maqsadida xizmat tekshiruvi tayinlangan.

Hozirda voyaga yetmagan Sh.A.ning o‘limi yuzasidan tuman prokuraturasi tomonidan tergovga qadar tekshiruv harakatlari olib borilmoqda.