Boks bo‘yicha super og‘ir vazn toifasida WBA Regular kamari sohibi britaniyalik Deniel Dyubua (18-1, 17 KO) amerikalik afsonaviy promouter Don King ustidan sudga murojaat qildi, xabar beradi BoxingScene.
Ayblovchi tomonning bayonotiga ko‘ra, Dyubua va amerikalik Trevor Brayan (22-1, 15 KO) o‘rtasidagi jangni tashkillashtirgan King britaniyalik sportchiga va’da qilingan to‘lovning bir qismini bermagan. Gap 463,3 ming dollardan 938,2 ming dollargacha bo‘lgan pul miqdori haqida ketmoqda.
Dyubuaning jamoasi yetti hafta mobaynida pulni olishga harakat qilgan, biroq natija chiqmagach sudga murojaat qilishga majbur bo‘lgan.
Eslatib o‘tamiz, Dyubua va Brayan o‘rtasidagi jang 12-iyun kuni Mayamida bo‘lib o‘tgan. Jangda britaniyalik sportchi 4-raundda nokaut evaziga g‘alaba qozongan. 24 yoshli Dyubua o‘z faoliyatida ilk bor jahon chempioniga aylandi.
Izoh (0)