Adliya vazirligi tomonidan hukumat qaroriga asosan O‘zbekiston Respublikasi hududida tuzilgan rasmiy hujjatlarga elektron apostil qo’yish tizimini yo‘lga qo‘yildi. Bu haqda Davlat xizmatlari agentligi xabar qildi.
Qayd etilishicha, hozirda sifatli davlat xizmatini ko‘rsatish maqsadida rasmiy hujjatni imzolash vakolatiga ega mansabdor shaxslarning imzolari va tashkilot muhr izi namunalarini raqamlashtirish bosqichma bosqich amalga oshirilmoqda.
Birinchi bosqichda ta’lim va fan sohasiga tegishli rasmiy hujjatlarga apostil qo’yish bo’yicha davlat xizmatidan foydalanishingiz mumkin.
Murojaat etuvchi davlat xizmati olish uchun DXMga o‘zi kelib yoki YAIDXPda ro‘yxatdan o‘tgan holda elektron tarzda murojaat etadi.
Ta’lim va fan sohasiga tegishli rasmiy hujjatlar bo‘yicha so‘rovnoma to‘ldirilib, uni ko‘rib chiqish uchun BHMning 20 foizi miqdorida yig‘im undiriladi:
YAIDXP orqali murojaat etilganda, yig‘im summasining 90 foizi undiriladi.
So‘rovnoma rasmiy hujjatlar taqdim etilgan kundan boshlab 2 ish kuni ichida (zarur hollarda, 10 ish kuni ichida) ko‘rib chiqiladi.
Rasmiy hujjatga elektron apostil qo‘yish bilan bog‘liq barcha jarayonlar “E-App” va “E-register” dasturlaridan foydalangan holda amalga oshiriladi.
Shuningdek, quyidagi hollarda apostil qo‘yish rad etiladi:
- rasmiy hujjatda zarur rekvizitlarning hech bo‘lmaganda biri mavjud bo‘lmasa yoki mansabdor shaxslarning imzolari hamda muhr, shtamplarning haqiqiy emasligi aniqlansa;
- rasmiy hujjatni imzolagan mansabdor shaxs uni imzolash vakolatiga ega bo‘lmasa.
Izoh (0)