AOKAda o‘tkazilgan brifingda Maktabgacha ta’lim vazirligi axborot xizmati rahbari Mavluda Asqarxo‘jayeva sohada tibbiy yordam berish bo‘yicha amalga oshirilgan ishlar haqida ma’lumot berdi.
Ma’lum qilinishicha, so‘nggi 6 kun ichida maktabgacha ta’lim tizimida 3 ta o‘lim holati qayd etilgan. Uchala bolaning ota-onasi ham bolaning kasalligini bilgan holda bola sog‘lomligi haqidagi tibbiyot varaqasini MTTga taqdim etgan.
Bunday holatlarning oldini olish yuzasidan MTV tomonidan pedagog tarbiyachilarning ham birinchi tibbiy yordam berishi uchun maxsus dastur ishlab chiqilmoqda.
Shuningdek, maktabgacha ta’lim tizimida tibbiy xizmatni sifatli tashkil etish maqsadida MTV, Toshkent pediatriya tibbiyot instituti, Toshkent vrachlar malakasini oshirish instituti hamda YUNISЕF ko‘magida tizimda ishlayotgan hamshiralar malakasini oshirish uchun maxsus videomateriallar orqali namoyish etib beradigan elektron platforma ishlab chiqilgan. Ayni damda MTV tizimida 8612 ta hamshira faoliyat yuritadi, ulardan 26 tasi oliy ma’lumotli hisoblanadi.
Oxirgi 5 yil davomida malaka oshirgan (2018—2022-yillar) MTT hamshiralarining soni respublika bo‘yicha 3467 tashkil etgan. Bu maktabgacha ta’lim tashkilotlarida faoliyat ko‘rsatayotgan hamshiralarning umumiy soniga nisbatan 40,2 foizi tashkil etadi. Qolgan 5145 (59,8 foiz) nafari 5 yilda malaka oshirmagan.
Izoh (0)