Davlat soliq qo‘mitasi agar tadbirkorga chek berilmagani haqida shikoyat kelib tushsa, soliq tekshiruvi qanday o'tkazilishi haqida ma’lumot berdi.
Qayd etilishicha, bunday holda Vazirlar Mahkamasining 2021-yil 7-yanvardagi 1-sonli qaroriga asosan pulli hisob-kitoblarni amalga oshirishda nazorat-kassa texnikasi (NKT) qo‘llanilishi yuzasidan sayyor soliq tekshiruvi o‘tkaziladi. Jumladan quyidagilar tekshiradi:
- soliq to‘lovchi tomonidan foydalanilayotgan NKT va hisob-kitob terminali tegishli qonun hujjatlari talablariga muvofiqligi;
- xaridorlarga NKT cheki yoki unga tenglashtirilgan boshqa hujjatlar berilishi.
Soliq solish obyektlari va soliq solish bilan bog‘liq obyektlar to‘g‘risidagi axborotni aniqlashtirishda ushbu dasturga asosan quyidagilar tekshirilishi mumkin:
- davlat ro‘yxatidan o‘tganligi to‘g‘risidagi hujjatlar, faoliyat turi va joyining soliq to‘g‘risidagi qonun hujjatlariga muvofiqligi;
- soliq to‘lovchiga mulk huquqi asosida tegishli bo‘lgan mol-mulk negizida, shuningdek, ushbu mol-mulkka egalik qilish va (yoki) undan foydalanishga yo‘l qo‘yadigan o‘zga ashyoviy huquq asosida mol-mulkka va yer uchastkalariga bo‘lgan huquqni tasdiqlovchi hujjatlar mavjudligi.
Sayyor soliq tekshiruvi doirasida uni amalga oshirish dasturida nazarda tutilgan holatlar bo‘yicha tekshiruv o‘tkazilishi kerak.
Mavzuga doir:
- O‘zbekistonda 6 oyda soliq imtiyozlaridan eng ko‘p foydalangan korxonalar ma’lum qilindi
- O‘zbekistonda prezident topshiriqlarini o‘z vaqtida bajarmagan uchta vazirlik, Soliq qo‘mitasi va boshqa idoralarga 10 dan ortiq taqdimnoma kiritildi
- O‘zbekistonda turar va noturar joylarga oid mahsulot hamda xizmatlarning identifikatsiya kodlari detallashtirildi
Izoh (0)