Amerikalik golfchi Tayger Vuds Saudiya Arabistoni moliyalashtiradigan LIV Golf musobaqasida ishtirok etishdan bosh tortdi.
Musobaqada ishtirok etishi uchun Vudsga 700—800 million dollar taklif qilingan. Bu xabarni jahon reytingida sobiq yetakchilardan biri Greg Norman tasdiqladi.
LIV Golf seriyasini valiahd shahzoda Muhammad bin Salmon as-Saud boshchiligidagi Saudiya Arabistoni davlat investitsiya jamg‘armasi moliyalashtiradi.
Vuds ushbu musobaqada ishtirok etishga rozi bo‘lgan o‘yinchilarni bir necha bor tanqid qilgan. Saudiya Arabistoni tomondan Taygerga qachon taklif jo‘natilgani noma’lum.
Eslatib o‘tamiz, Saudiya Arabistonining ayni vaqtdagi hukumati va rahbarlari turli xalqaro tashkilotlar tomonidan inson huquqlarini buzishda ayblanib keladi.
Izoh (0)