“Manchester Yunayted” bosh murabbiyi Erik ten Hag Krishtianu Ronalduning “Rayo Valyekano”ga qarshi bahs yakuniga yetmasdan stadionni tark etganidan norozi bo‘ldi.
Portugaliyalik hujumchi mavsumoldi yig‘ini doirasidagi o‘rtoqlik o‘yinining tanaffus vaqtida zaxiraga olindi. Bu Ronaldu uchun ten Hag qo‘l ostidagi ilk o‘yin edi. Shundan so‘ng Krishtianu o‘yin yakunlanmasidan “Old Trafford”ni tark etgan.
“Buni, albatta, qabul qila olmayman. Bu nomaqbul ish. Gaplarim hamma uchun tegishli.
Biz bir jamoamiz, barcha o‘yin oxirigacha qolishi lozim”, — deydi murabbiy.
Ronaldu mankunianliklarning mavsumoldi yig‘ini doirasidagi beshta o‘rtoqlik uchrashuvini o‘tkazib yubordi. Ushbu o‘yinlarda “qizil iblislar” 3 ta g‘alabaga erishdi, bitta durang va bitta mag‘lubiyat qayd etdi.
Izoh (0)