“Qiz bola bo‘la turib bu qo‘shiqni aytgani uyalmaysanmi?, deganlar” — Dildora Niyozova “Ishonma” qo‘shig‘ini aytgani uchun otasi undan qattiq ranjigani haqida (video)

Xonanda Dildora Niyozova “Daryo” internet nashri uchun bergan intevyusida “Ishonma” qo‘shig‘ini ijro etgani uchun otasi undan qattiq ranjigani haqida so‘zlab berdi.

— Bu qo‘shiqni xorazmlik Otajon ismli yigit ijro etgan ekan. Afsuski, u inson olamdan o‘tib ketgan ekan. Endi san’atga kirib kelgan paytlarimda prodyuserim Tohir aka qo‘shiqni olib kelib, ijro etishimni so‘ragan. Qo‘shiqning matnini o‘qib ko‘rib “Bu qo‘shiqni aytmayman, sharmanda-ku”, deganman. Tohir aka “So‘zlarini o‘zgartirdim, xavotir olma”, degan. Qo‘shiq matnining ilk varinatida haqiqatan ham ochiq so‘zlar ko‘p edi. U hayotiy qo‘shiq bo‘lgani bilan omma oldida aytishga uyalgandim.

Xullas, Tohir aka qo‘shiqni aytishga ko‘ndirgan. Qo‘shiqni studiyada yozib, uyda dadamga eshittirganimda, rosa so‘kkandi. “Sen qiz bola bo‘lsang, uyalmay shu qo‘shiqni aytdingmi?” degan.

Eshitgan “shirin” gaplarimdan ertalabgacha uxlolmay chiqqandim. Bu gaplardan xabari yo‘q prodyuserim qo‘shiqni tarqatib yuborgan. Ertasi kuni tursam hamma yerda Dildora Niyozovaning “Ishonma” qo‘shig‘i yangrayapti. Bozorda ham do‘konda ham qo‘shiqni eshitganimizda hammamiz shokka tushib qolganmiz.

Dadam ham hayron bo‘lgan, ammo “Qiz bola narsa nega bunday qo‘shiqni ayting”, deb rosa ranjigandi. Shunday bo‘lsa-da, xalq orasida Dildora Niyozova bo‘lib tanilishim bu qo‘shiqning hissasi katta. Shu qo‘shiq ommalashganidan keyin Surxondaryo stadionida konsert berganimda ketmasin deb mashinani ko‘tarib yuborgan paytlari ham bo‘lgan. Davralarda qo‘shiqni qayta-qayta ijro etishimni so‘rashardi. Yaratganga shukr, shunday kunlarni ham ko‘rdik, — deydi xonanda Dildora Niyozova.

Mavzuga doir:

• “Klipning telekanalda bir marta qo‘yilishi — 100 dollar”. Dildora Niyozova yosh xonandalar san’atga kirib kelganida duch keladigan qiyinchiliklar haqida (video)
• “Sog‘lig‘imdagi muammo tufayli o‘lib qolsam kerak degandim” — Dildora Niyozova ilk marta kutilmagan qarorining sababi va 10 ming dollarlik to‘yni rad etgani haqida so‘zlab berdi (video)
• “Pulni yaxshi ko‘rasizda, shuning uchun san’atdan ketolmaysiz’ deyishadi” — Dildora Niyozova turmush o‘rtog‘ining jahl ustida chiqargan videosi va oilasidagi sinovli kunlar haqida gapirdi (video)