O‘zbekistonda turar va noturar joylarning mahsulotlar va xizmatlarning identifikatsiya kodlari detallashtirildi, deb xabar beradi Davlat soliq qo‘mitasi.
Qayd etilishicha, endi turar va noturar joylar realizatsiya qilinganda elektron hisob-fakturalarda alohida MXIK bilan aks ettiriladi. Jumladan:
- ko‘p qavatli uylar (kvartiralar) uchun – qurilishida ishlatilgan xom-ashyo (beton, monolit, g‘isht), xonalar soni hamda holatidan kelib chiqqan holda alohida MXIKlar;
- noturar obyektlar uchun (maktab, bog‘cha, shifoxona va boshqalar) foydalanish maqsadlaridan kelib chiqqan holda alohida MXIKlar belgilandi.
Shunga asosan, detallashtirilgan turar va noturar joylarga tegishli asosiy MXIKlar hamda avval foydalanishda bo‘lgan 09801001005000000 (atributlari bilan) va 09801001999000000 MXIKlar nofaol holatga o‘tkaziladi.
Izoh (0)