Farg‘onadagi bog‘da arg‘imchoqli qayiq 4-sinfda o‘qiydigan qizning boshiga tegdi

Ijtimoiy tarmoqlarda “Qizni bog‘ga olib borgan o‘qituvchisi nima qilganini ko‘ring” sarlavhali videoxabar tarqalgandi. Holat Farg‘ona viloyati ichki ishlar boshqarmasi tomonidan o‘rganib chiqildi.

Ma’lum bo‘lishicha, 2022-yil 27-may kuni Quva tumani Toshkent MFYda yashovchi, tumandagi 9-umumiy o‘rta ta’lim maktabining 4-sinf o‘quvchisi, voyaga yetmagan S.X. sinfdoshlari bilan sinf rahbari I.Z. boshchiligida Farg‘ona shahridagi Ahmad Farg‘oniy nomidagi markaziy istirohat bog‘iga o‘ynagani borgan payt istirohat bog‘idagi arg‘imchoqli qayiq cheti S.X.ning boshiga tegib ketib, tan jarohati olgan.

Hozirda mazkur holat yuzasidan Quva tumani IIB tomonidan tergovga qadar tekshiruv hakaratlari olib borilmoqda. S.X.ning olgan tan jarohati darajasini aniqlash maqsadida sudga oid tibbiy ekspertiza tayinlangan.