SSV O‘zbekiston va Turkiya Sog‘liqni saqlash vazirliklari o‘rtasida imzolangan hamkorlik memorandumga ko‘ra dastlabki shifokorlar guruhi Turkiyaga malaka oshirish uchun yuborilgani haqida xabar bergandi. Qayd etilishicha, 31-iyul kuni 25 kishilik ikkinchi guruh ham Anqara shahriga tibbiy menejment kurslarini o‘tash uchun jo‘nab ketdi.
Ular xizmat safari davomida:
- Turkiyadagi sog‘liqni saqlash tizimining, viloyat va tuman darajasida boshqaruvning tuzilishi;
- shahar shifoxonalari boshqaruvi va u yerda ishni tashkil etish;
- sohadagi tashxislash va davolash standartlariga rioya etilishi hamda uning nazorati;
- birlamchi tizimning tuzilishi va aholiga ko‘rsatilayotgan tibbiy yordam hajmi;
- tez va shoshilinch tibbiy yordamni tashkil etish;
- sohadagi moliyalashtirish tizimining o‘ziga xosligi;
- tibbiy turizmni tashkillashtirish mexanizmlari;
- tibbiyot xodimlari malaka oshirishining o‘ziga xos xususiyatlari;
- onalik va bolalikni muhofaza qilish masalalari;
- sog‘lom turmush tarzini targ‘ib qilish yo‘llari;
- tibbiy autsorsing tizimlarining Turkiyada amalda bo‘lgan shakllari bilan yaqindan tanishadi.
Izoh (0)