O‘zbekistonda banan importi 2 barobarga oshib, narxi 11,5 foizga arzonlashdi

Davlat statistika qo‘mitasi ma’lumotlariga ko‘ra, 2022-yilning yanvar–iyun oylarida O‘zbekistonga 63,5 ming tonna banan import qilingan.

Banan importi hajmi o‘tgan yilning mos davri bilan solishtirilganda 34 ming tonnaga oshgan.

2022-yilning yanvar—iyun oylarida O‘zbekiston eng ko‘p banan import qilgan davlatlar:

• Ekvador – 62,7 ming tonna;
• Qozog‘iston – 426 tonna;
• Turkiya – 197 tonna;
• Hindiston – 144 tonna.

Davlat statistika qo‘mitasi ma’lumotlariga ko‘ra, 2022-yilning iyul oyida banan narxlari iyun oyiga nisbatan, ya’ni bir oyda o‘rtacha 8,5 foizga arzonlashgan.

Banan narxlari yil boshidan buyon o‘rtacha 1,7 foizga pasaygan.

Banan narxlari 2021-yilning mos davri bilan solishtirilganda, ya’ni bir yilda o‘rtacha 11,5 foizga arzonlashgani kuzatilgan.