Namangan viloyatining To‘raqo‘rg‘on tumanida o‘qituvchilarni ikki oy davomida obodonlashtirish ishlariga majburan jalb qilgan maktab direktori jarimaga tortildi. Bu haqda Bandlik va mehnat munosabatlari vazirligi xabar berdi.
Vazirlikning ma’lum qilishicha, ijtimoiy tarmoqlarda “O‘qituvchi mardikormi?” sarlavhasi ostida tarqalgan xabar yuzasidan Namangan viloyat Bandlik bosh boshqarmasi Davlat mehnat inspeksiyasi o‘rganish o‘tkazdi.
Uning natijalariga ko‘ra, To‘raqo‘rg‘on tuman XTBga qarashli 51-sonli umumiy o‘rta ta’lim maktab direktori 2022-yil iyun va iyul oyilarida 10 dan ortiq maktab o‘qituvchilari va boshqa xodimlarni ishdan bo‘shatish bilan qo‘rqitib, ularni maktab hududida obodonlashtirish ishlariga majburan jalb qilgani aniqlangan.
Maktab rahbari Ma’muriy javobgarlik to‘g‘risidagi kodeksning 51-moddasi 1-qismiga (mehnatga ma’muriy tarzda majburlash) asosan (15 million so‘m) jarimaga tortilgan.
Izoh (0)