Andijon va Buxoroda haydovchilik guvohnomasini olib berish bilan bog‘liq firibgarlik holatlari fosh etildi, deb xabar bermoqda Bosh prokuratura huzuridagi departament.
Departamentning Asaka tuman bo‘limi tomonidan o‘tkazilgan tezkor tadbirda fuqaro B.E. boshqa bir fuqaro F.ga tanishlari yordamida haydovchilik guvohnomasini o‘quv mashg‘ulotlariga qatnashmasdan olib berish evaziga 550 dollarni olgan vaqtida ashyoviy dalillar bilan ushlangan.
Shu kabi departamentning Buxoro shahar bo‘limi tomonidan o‘tkazilgan tergovga qadar tekshiruvda, fuqaro S.S. boshqa bir fuqaro A.H.ning ishonchiga kirib, unga tanishlari yordamida haydovchilik guvohnomasini o‘quv mashg‘ulotlariga qatnashmasdan olib berish evaziga 350 dollar olgani aniqlangan.
Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.
Izoh (0)