“Moliyachilar ham o‘tiribdi, bunga hamma qarshi edi”. Prezident IT parklar ilk bor tashkil etilayotgan paytlar haqida gapirdi

Shavkat Mirziyoyev 29-iyul kuni axborot texnologiyalari sohasi vakillari bilan o‘tkazilgan uchrashuvda bundan 3 yil oldin IT parklar tashkil etish rejasi ilgari surilganda mutaxassislar bu g‘oyaga qarshi bo‘lganini bildirdi. Davlat rahbarining nutqi “Menimcha” ko‘rsatuvida namoyish etildi.

Biz xorijiy hamkorlarimizning ishonchini qozonib, butun dunyoga buyurtmani sifatli qilib bajarsak, raqam oshib boraveradi. Bundan uch yil oldin IT parklarni nima uchun tashkil qildik, ularga alohida soliq rejimini joriy etdik? Sababi mana shu kunlarga kelish uchun. Agar shu rejimni tatbiq qilmaganimizda, bu kunga yetib kelolmasdik. Bunday imkoniyat, sharoit bo‘lmas edi.

Menga, mana, moliyachilar ham o‘tiribdi — hamma qarshi edi, — dedi prezident.

Shavkat Mirziyoyev bu yo‘l yakka-yu yagona to‘g‘ri yo‘l bo‘lganini aytdi.