O‘zbekistonda kelgusi besh yilda IT xizmatlari eksportini 1 milliard dollarga yetkazish reja qilingan. Bu haqda prezident Toshkent viloyati Yuqori Chirchiq tumanidagi “Astrum” akademiyasida bo‘lib o‘tayotgan uchrashuvda ma’lum qildi.
Qayd etilishicha, xorijiy hamkorlar bilan birga maktab, litsey, kollej, texnikum va oliygohlarda o‘quvchi va talabalarning IT ko‘nikmalarini shakllantirish bo‘yicha “Bir million dasturchi” loyihasi amalga oshirilmoqda. Prezident bu dastur kelgusida ham davom ettirilishini aytdi.
Agar yoshlarni IT kasblarga o‘qitishni to‘g‘ri yo‘lga qo‘ysak, ularni sifatli infratuzilma, kompyuter va kafolatli buyurtma bilan ta’minlasak, albatta, bu marraga bemalol erishamiz, — dedi davlat rahbari.Uchrashuvda buning uchun quyidagi 4 ta masalani hal etish lozimligi ko‘rsatib o‘tildi.
Birinchidan, internet qamrovi va sifatini keskin oshirish zarur. Hududlarning optik tolali tezkor mobil internet (4G) bilan qamrab olish darajasi 70 foiz atrofida. 118 ta qishloqqa internet ham, mobil aloqa ham kirib bormagani ta’kidlandi.
Ikkinchidan, IT sohasida iqtidorli yoshlarni aniqlash va ularni qo‘llab-quvvatlashni yana-da kengaytirish kerak. Bugungi kunda bunday yoshlarning startaplariga (230 ta) atigi 10 milliard so‘m grantlar ajratilgan. Yoki kompyuter xaridi uchun 3,5 ming nafar yoshga kredit berilgan bo‘lsa, kafil yo‘qligi uchun 6,5 mingdan ziyod yoshga kredit berish rad etilgan.
Shuningdek, Qoraqalpog‘iston, Buxoro, Qashqadaryo, Surxondaryo, Namangan va Navoiyda IT parklarni tashkil etish ishlari yakuniga yetkazilmagan.
Izoh (0)