Nonushta uchun eng yaxshi taomlardan biri nachinkasiga tuxum qo‘shib tayyorlanadigan sosiskali lavash hisoblanadi. Ushbu taomning to‘yimlilik va foydalilik darajasi yuqori.
Kerakli masalliqlar:
- tuxum — 3 dona
- petrushka — 2-3 bog‘
- qattiq pishloq — 100 g
- qayta ishlangan pishloq — 1 dona
- mayonez — 2 qoshiq
- sosiska — 8-10 dona
- lavash xamiri — 2 dona
- o‘simlik yog‘i — 2 qoshiq
- Qaynatilgan tuxumni tozalang va qirg‘ichdan o‘tkazing. Petrushkani mayda qilib to‘g‘rang.
- Ikkala turdagi pishloqni ham qirg‘ichdan o‘tkazing. Tuxum, petrushka, pishloq va mayonezni aralashtiring.
- Sosiskalarni qaynoq suvda 2 daqiqa qaynatib oling yoki mikroto‘lqinli pechga 1 daqiqa qo‘ying.
- Lavash xamirini to‘rtburchak shaklida kesing. Har bir bo‘lak ustiga pishloq massasini seping.
- Lavash xamirining chetiga sosiska qo‘ying, qirralarini bukib, uni aylantiring.
- O‘simlik yog‘ini qizdiring. Xamirni har tomondan 2-3 daqiqa davomida qizargunga qadar qovuring.
Mavzuga doir:
Izoh (0)