Navoiyda Cobalt va Nexia-2 to‘qnashuvi oqibatida bir kishi vafot etdi

Navoiy–Zarafshon yo‘lida sodir bo‘lgan yo‘l-transport hodisasida bir kishi vafot etdi.

Fuqaro N.L. boshqaruvida bo‘lgan Cobalt avtomashinasi Zarafshon–Navoiy yo‘nalishi bo‘ylab ketayotgan vaqtida, unga qarama-qarshi yo‘nalishda kelayotgan fuqaro R.M boshqaruvida bo‘lgan Nexia-2 avtomashinasi bilan to‘qnashib yo‘l-transport hodisasini sodir qilgan.

Oqibatda Nexia-2 rusumli avtomashinada yo‘lovchi sifatida ketayotgan T.J. ko‘rsatilgan birinchi tez tibbiy yordamga qaramasdan Zarafshon shahar TMSH jonlantirish bo‘limida vafot etgan.

Holat yuzasidan Jinoyat kodeksining 266-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.