Surxondaryo viloyati Sho‘rchi tumanida haydovchiga hujum qilib, mashinani olib qochib ketgan shaxs qo‘lga olindi.
Sho‘rchi tumani “Bunyodkor” mahallasida yashovchi, vaqtincha ishsiz, muqaddam Jinoyat kodeksining 169-moddasi 3-qismi bilan sudlangan M.O. Termiz shahrida yashovchi Z.Shodiqulov boshqaruvidagi Matiz rusumli mashinani to‘xtatib, avtomashina bozoriga olib borishini aytib, yo‘lga chiqqan.
Biroz yo‘l yurishgach esa, haydovchi bilan tortishib qolgan M.O. yonidagi xo‘jalik pichog‘i bilan hujum qilib, Z.SH.ga og‘ir tan jarohati yetkazib, mashinani olib qochgan. Harakatlanish davomida boshqaruvni yo‘qotib, yo‘l chetidagi ustunga borib urilgan M.O. mashinani hodisa joyida qoldirib, o‘zi qochib ketadi.
M.O.ning qilmishi huquqni muhofaza qiluvchi organ xodimlarining sa’y-harakatlari bilan qisqa fursatda fosh etilgan.
Izoh (0)