O‘zbekistonda 25-iyul kuni oliy ta’lim muassasalarining bakalavriat ta’lim yo‘nalishlariga kirish uchun chet tilidan kasbiy (ijodiy) imtihonlarning uchinchi kuni bo‘lib o‘tdi. Bu haqda Davlat test markazi xabar qildi.
Qayd etilishicha, bunda bugun imtihonning yozma qismida ishtirok etishi belgilangan abituriyentlarning tinglab tushunish, o‘qish va yozish ko‘nikmalari sinovdan o‘tkazilgan. Uch kun davom etgan chet tilidan kasbiy (ijodiy) imtihonning 1-bosqichi yakunlangan.
Shuningdek, gapirish ko‘nikmasini baholash imtihonlari davom ettirilib, 24-iyul kuni imtihonning yozma qismida ishtirok etgan abituriyentlar uchun gapirish ko‘nikmasini baholash imtihonlari o‘tkazilgan.
Imtihonlar talabgorlarga qulay bo‘lishi uchun barcha hududlarda, jumladan, Qoraqalpog‘iston Respublikasi, viloyatlar va Toshkent shahrida tashkil etilgan.
Izoh (0)