Qovurilgan tovuq go‘shti va karamdan tayyorlanadigan xushta’m taom retsepti

Qovurilgan tovuq filesi yumshoq sabzavotlar bilan pishirilganda ajoyib ta’mni hosil qiladi. Ushbu qovurilgan tovuq go‘shti va karamdan tayyorlanadigan taomga achchiq qalampir qo‘shilsa yanada foydali va mazali taomga aylanadi. Unga ta’bingizga qarab boshqa sabzavotlarni ham qo‘shishingiz mumkin.

Kerakli masalliqlar:

• tovuq filesi — 650-700 g
• ko‘k piyoz — 1 bog‘
• achchiq qalampir — ta’bga ko‘ra
• karam — o‘rtacha kattalikdagi 1 ta
• sarimsoq — 4 dona
• o‘simlik yog‘i — 3 qoshiq
• quritilgan yalpiz — yarim qoshiq
• quritilgan rayhon — 1 qoshiq
• pomidor qaylasi — 1-2 qoshiq
• tovuq sho‘rvasi — 250 ml
• tuz — ta’bga ko‘ra
• murch — ta’bga ko‘ra

1. Tovuq go‘shtini mayda bo‘laklarga bo‘ling, piyoz va qalampirni mayda qilib to‘g‘rang. Sarimsoqni qirg‘ichdan o‘tkazib oling.
2. O‘simlik yog‘ini o‘rtacha olovda qizdiring va tovuq go‘shtini solib 5-7 daqiqa davomida qovuring.
3. Qovurilayotgan tovuqqa piyoz, sarimsoq, achchiq qalampir, yalpiz, rayhon va pomidor qaylasini qo‘shib aralashtiring. Barcha mahsulotlarni 5 daqiqa davomida pishirib oling.
4. Keyin karamni soling va yana 5 daqiqa pishiring.
5. Barcha mahsulotlarga tovuq sho‘rvasini qo‘shing va keyin unga tuz va qalampirni aralashtirib 30 daqiqa davomida qaynating.

Mavzuga doir:

• Qiyma qo‘shib tayyorlanadigan sabzavotli ragu retsepti
• Pomidor va pishloq qo‘shilgan tovuqli taom retsepti
• Pishloq va pomidor bilan to‘ldirilgan qovoqchali taom retsepti
• Tayyorlanishi oddiy, ammo mazasi og‘izda qoladigan tovuqli naggets retsepti