“O‘zgidromet” 24-iyul, yakshanba kuni kuzatiladigan ob-havo ma’lumotini e’lon qildi.
Qayd etilishicha, shu kuni ham O‘zbekistonda havo issiq bo‘ladi. Maksimal harorat 38—43 daraja atrofida, janubda ba’zi joylarda 45—47 darajagacha bo‘ladi. Respublika bo‘yicha ba’zi joylarda shamol 17—22 metr/sekundgacha kuchayishi, ayrim joylarda chang-to‘zonlari bilan kuzatilishi mumkin. Farg‘ona viloyatining tog‘ oldi va tog‘li hududlarida glyatsial (muz) sel-suv toshqin hodisalari yuzaga kelishi mumkin.
Toshkent shahrida havo quyoshli bo‘ladi. Shamol 5—10 metr/sekund tezlikda esadi. Harorat 41—43 daraja atrofida saqlanib turadi.
Tog‘li hududlarda yog‘ingarchilik kutilmaydi. Shamol 7—12 metr/sekund tezlikda esadi, ba’zi joylarda 15—20 metr/sekundgacha kuchayishi mumkin. Harorat kunduzi 32—37 daraja bo‘ladi.
Izoh (0)