Ijtimoiy tarmoqlarda Toshkent viloyatidagi qamoqxonada 20 yoshli yigit o‘z joniga qasd qilgani haqida xabarlar tarqaldi. Viloyat prokuraturasi holat yuzasidan munosabat bildirdi.
Aniqlanishicha, 7-sonli jazoni ijro etish koloniyasida jazo o‘tayotgan mahkumlar A.Y. va T.D. 19-iyun kuni koloniya boshlig‘i tomonidan tasdiqlangan kun tartibiga rioya qilmasdan, o‘zlarining yashash sahniga kirish o‘rniga 2-yashash sahnidagi tanishlari oldiga yashirin ravishda o‘zboshimchalik bilan o‘tgan. Hech kimning ruxsatisiz, tartibot qoidalarini buzgan holda oldindan adovati bo‘lgan 5-turkumda jazo muddatini o‘tab kelayotgan mahkum A.Y.ning qadr-qimmatini kamsituvchi so‘zlar bilan shaxsiyatiga tegib, qo‘pol muomalada bo‘lgani koloniya xodimlari tomonidan aniqlanib, A.Y. va T.D. intizomiy jazoga tortilgan.
Bundan norozi bo‘lgan mahkumlar binoning ikkinchi qavatidan koloniyaning taqiqlangan va yashash sahni tomonga qarab o‘zlarini uloqtirgan hamda ularga birinchi tez tibbiy yordam ko‘rsatilgan. Hozirgi kunda ularning sog‘lig‘i qoniqarli holatda.
Toshkent maxsus prokuraturasi tomonidan tergovga qadar tekshiruv harakatlari o‘tkazildi va ushbu holatda jinoyat alomatlari aniqlanmagani sababli jinoyat ishi qo‘zg‘atish rad etildi.
Izoh (0)