Markaziy bank va MasterCard Europe o‘rtasida o‘zaro hamkorlik to‘g‘risida anglashuv memorandumi imzolandi. Bu haqda Markaziy bank matbuot kotibi ma’lum qildi.
Memorandum tashkilotlarning faoliyatlari doirasidagi o‘zaro munosabatlarini kengaytirishga qaratilgan.
Mazkur hujjat quyidagi o‘zgarishlarga xizmat qiladi:
- qo‘shma texnik maslahatlar;
- treninglar;
- seminarlar o‘tkazish;
- xodimlarning bilim va ko‘nikmalarini oshirish.
MasterCard dunyodagi yirik to‘lov tizimlaridan biri hisoblanadi. Ushbu xalqaro karta deyarli barcha mamlakatlarda qabul qilinadi.
MasterCard’ning qanday turlari bor?
O‘zbekistonda MasterCard kartalarining Virtual, Standard, Gold va Premium kabi turlari mavjud.
MasterCard Virtual elektron ravishda ochiladi, shu sababli uni terminallarda yoki bankomatlarda ishlatish mumkin emas. Asosiy afzallik — rasmiylashtirishning osonligi va past tariflardir.
Eng keng tarqalgan tur — MasterCard Standard. Unda xizmat ko‘rsatish past narxda va keng funksionallikda bo‘ladi.
Karta yordamida mehmonxona xonasini bron qilish, aviachiptalarni xarid qilish kabilarni amalga oshirish mumkin.
Karta qanday ochiladi?
Deyarli barcha banklarda kartani rasmiylashtirish uchun faqat pasport va pul talab qilinadi.
Aksariyat hollarda bank ofisiga ikki marta borish talab etiladi: birinchisida — ariza yozib, hujjatlar taqdim etiladi, ikkinchisi — tayyor kartani olish uchun.
Bundan tashqari, hozirda MasterCard kartalarga onlayn buyurtma berish imkoniyati ham mavjud. Bunda MasterCard ochish uchun tanlangan bankning rasmiy saytiga kirish kerak.
Banklarning tartib-qoidalaridan kelib chiqib, tayyor kartani bank ofisidan olib ketish yoki yetkazib berish xizmatidan foydalanish mumkin.
Karta 2-3 yilga amal qiladi. Ushbu davrdan so‘ng, bank kartani bepul qayta chiqaradi.
Izoh (0)