“Atletiko” klubi sobiq hujumchisi Luis Suares faoliyatini Urugvayda davom ettiradi.
Sport 890 jurnalisti Rodri Vaskesga ko‘ra, 35 yoshli futbolchi Urugvayning “Nasional” klubiga qaytadi. Suares aynan o‘sha yerda professional faoliyatini boshlagandi.
Yaqin orada Luis Montevideo jamoasi bilan shartnoma imzolaydi va “Nasional”da JCh–2022 startiga qadar to‘p suradi.
Ayni vaqtda hujumchi erkin agent maqomida bo‘lib turibdi.
Avvalroq Dortmundning “Borussiya” klubi urugvaylik futbolchini olib kelishni mo‘ljal qilayotgani xabar qilingandi. Dortmundliklar undan saratonga chalingan Sebastyan Allerning o‘rnini egallashini xohlayotgandi.
Izoh (0)