Kosta-Rikada maymunchechak bilan kasallanish bo‘yicha birinchi holat rasman tasdiqlandi. Bu haqda mamlakat sog‘liqni saqlash vazirligi saytida aytilgan.
Sog‘liqni saqlash vazirligi o‘tgan hafta chet eldan kelgan 34 yoshli xorijlik fuqaroda maymunchechak bilan kasallanish holatini tasdiqladi. Ushbu vaziyatda kasallik chet eldan olib kirilgan hisoblanadi.
“Bemor uch haftalik izolyatsiyaga jo‘natildi. Bundan tashqari, vazirlik bemor bilan bir uyda yashovchi yana besh kishining sog‘lig‘ini nazorat qilmoqda”, — deyiladi xabarda.
Maymunchechak hayvonlardan odamlarga yuqadigan va ilk bor 1970-yillarda Kongo Demokratik Respublikasida qayd etilgan noyob virusli kasallikdir. Simptomlar orasida isitma, bosh og‘rig‘i, yuzda boshlanib, tananing qolgan qismiga tarqaladigan teri toshmasi mavjud.
Izoh (0)