Afrika futbol konfederatsiyasi mavsumning eng yaxshilari nomini ma’lum qildi.
Senegal terma jamoasi hujumchisi Sadio Mane Afrikada mavsumning eng yaxshi o‘yinchisi deb topildi. Yozda “Bavariya” safiga o‘tgan Mane so‘rovnomada “Liverpul”dagi sobiq jamoadoshi Muhammad Saloh (Misr) va “Chelsi” posboni Eduar Mendini (Senegal) ortda qoldirdi.
Sadio ortda qolgan mavsumda “Liverpul” bilan Angliya Kubogi va Angliya Liga Kubogida g‘alaba qozondi. Shuningdek, uning jamoasi Chempionlar Ligasida finalga qadar yetib bordi va Angliyada ikkinchi o‘rinni egalladi.
Mane Senegal terma jamoasi bilan tarixdagi ilk bor Afrika Kubogida zafar quchdi. Shuningdek, jamoasiga JCh—2022 yo‘llanmasini qo‘lga kiritishda yordam berdi.
Senegal terma jamoasi Afrikada mavsumning eng yaxshi terma jamoasi deb e’lon qilindi.
Izoh (0)