Yaponiya iyun oyida Rossiyadan neft import qilmadi, biroq ayni paytda gaz yetkazib berish hajmini oshirdi. Bu haqda Yaponiya Moliya vazirligi statistik ma’lumotlaridan ma’lum bo‘ldi.

Suyultirilgan gaz importi o‘tgan yilning shu davriga nisbatan 26,4 foizga oshib, 617 ming tonnani tashkil etdi. Yaponiya buning uchun 55,3 mlrd iyen (joriy kurs bo‘yicha 398,8 mln dollar) to‘ladi.

Rossiya ko‘mirini mamlakatga yetkazib berish hajmi 59,5 foizga tushib, 765 ming tonnani tashkil etdi.

Rossiyadan Yaponiyaga importning umumiy hajmi iyun oyida 22,9 foizga oshib, 153,9 mlrd iyenni (1,1 mlrd dollar) tashkil etdi, Yaponiyadan Rossiyaga eksporti esa 49,9 foizga qisqarib, 39,8 mlrd iyenni (287 mln dollar) tashkil etdi.

Iyun oyi boshida Yevropa Ittifoqi Rossiya neftiga qisman embargoni o‘z ichiga olgan oltinchi sanksiyalar paketini kiritdi — taqiq dengiz ta’minotiga taalluqlidir.

May oyida Yaponiya ushbu embargoga qo‘shilmasligini e’lon qildi, chunki mamlakat resurslari cheklangan.

Bosh vazir Fumio Kishida tushuntirdiki, Tokio asta-sekin Rossiya neftini import qilishni to‘xtatadi, lekin Saxalin-1 va Saxalin-2 neft va gaz loyihalaridagi ulushini saqlab qoladi.

Avvalroq Yaponiya o‘z tarixidagi eng qimmat gazni sotib olgani haqida xabar berilgandi.