Markaziy bank joriy yil birinchi yarim yillik yakunlariga ko‘ra bank tizimi kredit portfeli to‘g‘risida hududlar kesimida ma’lumotni taqdim etdi.
Bank tizimi kredit portfeli bu — bank tomonidan berilgan barcha faol kreditlar yig‘indisi.
Ma’lumotlarga ko‘ra, 2022-yilning yarmida bank tizimi jami kredit portfeli 343,6 trln so‘mni tashkil qilib, o‘tgan yilning birinchi yarmi yakuniga nisbatan 43,1 trln so‘mga o‘sgan.
O‘sish faqat Toshkent shahri hisobiga yuz berdi — 63,4 trln so‘m. Qolgan barcha hududlarda kredit portfeli hajmi kamayishi yuz bergan.
Toshkent shahrining O‘zbekiston kredit portfelidagi ulushi o‘tgan yilning mos davriga nisbatan 47,2 foizdan 59,7 foizga oshib ketgan.
Summada eng ko‘p pasayish qayd etilgan hudud Qashqadaryo (-2,2 trln so‘m) bo‘lgan bo‘lsa, foizda Navoiy (-18,6 foiz) bo‘ldi.
Izoh (0)