O‘zbekistonda notariuslarga nikohni ro‘yxatdan o‘tkazish huquqi berilishi mumkin. Bu haqda Oliy Majlis Qonunchilik palatasidagi “Hukumat soati”da adliya vaziri Ruslanbek Davletov ma’lum qildi.
“Kerak bo‘lsa, shuni taklif qilmoqchimizki, nikoh tuzish huquqini notariuslarga ham berish kerak. Chunki notariuslarda ham juda kuchli yuristlar bor, qiyin ishdan o‘tgan, hammasini tushunadi. Ular ikki tomonning xohish-irodasini tasdiqlab, shahodatlay oladi. Hech qanaqa muammo yo‘q” , — dedi vazir.
Adliya vaziri, shuningdek, FHDY organlarida tug‘ilish, nikoh, o‘lim, familiya o‘zgartirishni yagona dalolatnoma asosida shakllantirishni yo‘lga qo‘yish ham rejalashtirilayotganini ta’kidladi.
Izoh (0)