“Rossiya prezidenti janob Putin bilan ikki tomonlama mazmunli va samarali uchrashuv o‘tkazdik”, — dedi Turkiya rahbari Rajab Toyyib Erdo‘g‘on samolyotda Erondan qaytayotib. Bu haqda suhbatda bevosita ishtirok etgan jurnalistlarga tayanib, “RIA Novosti” xabar bermoqda.
U Putin Anqaraning Ukrainadagi vaziyatni tartibga solish harakatlariga “ijobiy munosabat”da bo‘lganini alohida qayd etdi. Rossiya prezidenti buning uchun “bizga hatto minnatdorchilik bildirishini” qo‘shimcha qildi, degan Erdo‘g‘on.
Umid qilamanki, tabiiy gaz masalasi, Akkuyu muammosi va boshqa masalalarda ham hamkorligimizni davom ettiramiz, — dedi Turkiya rahbari.Shuningdek, Erdo‘g‘on rossiyalik hamkasbi bilan o‘rmon yong‘inlariga qarshi kurashish uchun mo‘ljallangan amfibiya samolyotlari bo‘yicha hamkorlikni muhokama qilganini ham aytgan.
Putin Tehronda Eron va Turkiya prezidentlari Ibrohim Raisi hamda Toyyib Erdo‘g‘on bilan birga Suriya bo‘yicha uch tomonlama sammitda ishtirok etdi. Bundan tashqari, Rossiya rahbari ularning har biri bilan ikki tomonlama muzokaralar o‘tkazgan va Eronning diniy arbobi Ali Xomanaiy bilan ham ko‘rishgan.
Mavzuga doir: Putin: Rossiya Turkmanistonning betaraflik maqomiga hurmat bilan qaraydi
Izoh (0)