Jizzax viloyati Sharof Rashidov tumanida 16-iyul kuni avtomashina boshqaruvi yo‘qotilishi oqibatida yo‘lovchi halok bo‘ldi. Bu haqda viloyat Ichki ishlar boshqarmasi xabar qildi.

Qayd etilishicha, yo‘l-transport hodisasi shu kuni 20:25 larda Sharof Rashidov tumani “Uchtepa” mahallasi hududidan o‘tgan Jizzax—Paxtakor yo‘lining 20-kilometrida sodir bo‘lgan. “Oqbuloq” mahallasida yashovchi fuqaro Nexia mashinasini haydab borayotib rul boshqaruvini yo‘qotgan va yo‘l chetidagi beton to‘siqqa borib urilgan.

YTH oqibatida avtomashina salonida bo‘lgan haydovchining otasi tan jarohatlari olib shifoxonada vafot etgan.

Holat yuzasidan Jinoyat kodeksining tegishli moddasi bilan jinoyat ishi qo‘zg‘atilgan.