Rossiya aviaxoldingi Namangan xalqaro aeroportini kengaytirish va modernizatsiya qilishda ishtirok etish istagini bildirdi

Namangan viloyati hokimi Shavkat Abdurazzaqov Rossiyaning “Aeroporti Regionov” xoldingi vakillari bilan uchrashdi. Bu haqda “Daryo” muxbiri Azizbek Abduvaliyev xabar bermoqda.

Uchrashuvda Namangan xalqaro aeroportini rivojlantirish istiqbollari hamda bu borada “Aeroporti Regionov” xoldingining sheriklik ishtiroki imkoniyatlari ko‘rib chiqildi.

Xolding bosh direktori o‘rinbosari Sergey Krasnov boshchiligidagi mehmonlar tomonidan Namangan xalqaro aeroportini yanada kengaytirish hamda modernizatsiya qilish istiqbolli loyiha ekani qayd etildi.

Kelgusida Namangan aeroportini Yevropa va Osiyo o‘rtasida xalqaro tranzit xabiga aylantirish, qo‘shimcha kargo terminali barpo etish orqali yuk tashish hajmini oshirish imkoniyatlari yuqori baholandi. Shuningdek, vodiy viloyatlari uchun yagona yirik xalqaro aeroport qurish loyihasi yuzasidan ham fikr almashildi.

Mavzuga doir:

• Namangan xalqaro aeroportiga ilk bor Boeing 747-200F samolyoti qo‘ndi (foto va video)
• Namangan xalqaro aeroportidan Haj mavsumida Saudiya Arabistoniga 16 ta aviareys amalga oshiriladi