18-iyul kuni kechqurun Parijning XI okrugidagi barda sodir etilgan otishmada bir kishi halok bo‘ldi, yana to‘rt kishi yaralandi. Bu haqda BFM TV politsiyadagi manbaga tayanib, xabar berdi.
Telekanal ma’lumotlariga ko‘ra, otishmani ikki kishi sodir etgan. Le Parisien gazetasining yozishicha, hujumchilar barga mashinada kelgan va terassada o‘tirgan mehmonlarga qarata o‘q uzgan. Ulardan biri to‘pponcha, ikkinchisi Kalashnikov avtomati bilan qurollangan edi.
XI okrug meri Fransua Voglen hujumchilardan biri barga tashrif buyuruvchilar tomonidan hibsga olingani, ikkinchisi esa qochib ketganini yozdi. Le Parisien nashrining yozishicha, qo‘lga olingan shaxs voyaga yetmagan.
Ayni paytda politsiya hujumning asosiy versiyasi sifatida qasos olishni ko‘rib chiqmoqda. Hujumchilarning aniq maqsadlari noma’lum.
10-iyul kuni Janubiy Afrika respublikasidagi ikki barda sodir etilgan otishmalarda 18 kishi halok bo‘lgan edi.
Izoh (0)