Buxoro viloyati Buxoro tumanida Matiz yonib ketdi, deya xabar qilmoqda viloyat FVB.
2022-yilning 18-iyul kuni soat 21:50 da Buxoro tuman “Xonabod” MFY, Xonabod ko‘chasi yo‘l yoqasida harakatlanib ketayotgan, Matiz avtomobilida yong‘in sodir bo‘lgani to‘g‘risida Buxoro viloyat Favqulodda vaziyatlar boshqarmasi tezkor boshqaruv markaziga xabar kelib tushdi.
Xabar yuzasidan 2 ta yong‘in qutqaruv avtoekipajlari jalb etilib, 21:53 da yetib borgan va 22:01da batamom o‘chirilishiga erishildi. Yong‘in oqibatida avtomashinaning old motor, kuzovi va salon qismi qisman yongan.
Birlamchi ma’lumotga ko‘ra yong‘inning kelib chiqish sababi elektr simlarining qisqa tutashuvi deb taxmin qilinmoqda. Hozirda moddiy zarar aniqlanmoqda.
Yong‘in oqibatida fuqarolarning kuyish va tan jarohati olish holatlari qayd etilmadi.
Izoh (0)