Farg‘onada 300 dollarga haydovchilik guvohnomasini olib bermoqchi bo‘lgan shaxslar ushlandi

Farg‘ona viloyatida haydovchilik guvohnomasini olib berish bilan bog‘liq firibgarlik holatlari aniqlandi.

Bosh prokuratura huzuridagi departamentning Farg‘ona shahar bo‘limi tomonidan IIB xodimlari bilan hamkorlikda o‘tkazilgan tezkor tadbirda “A” MCHJ xodimi M.Q. fuqaro J.ga tanishlari yordamida B toifali haydovchilik guvohnomasini o‘quv mashg‘ulotlariga qatnashmasdan olib berish evaziga 400 AQSH dollarini olgan olgan vaqtida ashyoviy dalillar bilan ushlangan.

Shu kabi Quvasoy shahar bo‘limi tomonidan DXX xodimlari bilan hamkorlikda o‘tkazilgan tezkor tadbirda “Q.M.” MCHJ xodimi I.M. fuqaro A.ga B va C toifadagi haydovchilik guvohnomasini olib berish evaziga 300 AQSH dollari va 500 ming so‘mni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.