“Bir kuni hammamiz qariymiz, yuzimizga ajin tushadi va bu tabiiy holat”. Jahon kinosi yulduzlari tabiiy go‘zallik va o‘zini boricha qabul qilish haqida (foto)

Qarish har bir inson hayotidagi mavjud jarayondir. Bu ko‘plab mashhurlarning hayotiga o‘zgarish olib kiradigan doimiy sarguzasht. Mashhurlar orasida yana shunday ayollar borki, ularni go‘zallik sira ham tark etmaydi. Shuningdek, ular tashqi ko‘rinishdagi o‘zgarishlarni ham munosib qabul qiladi. AdMe nashrining bugungi qahramonlari tabiiy go‘zalligi bilan tomoshabinlar qalbidan joy olgan Gollivudning mashhur ayollaridir.

Xelen Mirren

Xelen Mirren — jahon miqyosidagi kosmetik brendlardan birining yuzi. U tez-tez filtrsiz tushgan suratlari bilan muxlislarga o‘zining haqiqiy go‘zalligini ko‘rsatadi. Aktrisa o‘zining haqiqiy qiyofasidan g‘ururlanadi: “Men chiroyli qarishni xohlamayman. Qarish — bu quvonch va men zavqlanadigan doimiy sarguzasht uchun imkoniyatdir”.

Jeymi Li Kertis

Jeymi Li Kertis — taniqli Gollivud aktrisasi, u tomoshabinlar eslab qolgan bir qator filmlarda rol o‘ynagan. U qarishning tabiiy yo‘lini tanladi va uning go‘zalligi yoshga qarab so‘nmaydi. “Biz lug‘atimizdan ‘qarilikka qarshi’ so‘zini olib tashlashimiz kerak. Men aql-zakovat, sha’n va qadr-qimmati bilan qarish tarafdoriman. Keksalikdan qochish niyatim yo‘q”, — deydi Jeymi.

Dryu Berrimor

Dryu Berrimor hali ham boshqalardan ajralib turadigan maftunkor aktrisadir. Uning ta’kidlashicha, u yuz plastik jarrohlik amaliyotini o‘tkazmagan “Biz hammamiz qachondir qariymiz, tanamiz hech qachon bir xil bo‘lmaydi va bu tabiiy. Bu bizning hayotimizning bir qismi. Qanchalik ulg‘aysam, o‘zimning mavjudligim haqida shunchalik ko‘proq bilaman va o‘zimni shunchalik zaif his qilaman, lekin bu hayotimning har bir yilini yanada ko‘proq qadrlashga majbur qiladi”, — deydi Dryu.

Jennifer Eniston

Jennifer Eniston — mashhur aktrisa va uning tabiiy go‘zalligi kinematografiya klassikasiga aylangan millionlab film va seriallar muxlislari e’tiboridan chetda qolmadi. Jamoatchilik aktrisadagi qarishning dastlabki belgilarini tezda payqadi, ammo bu uni biroz bezovta qilmadi: “Chiroyli qomat va ajoyib ko‘rinish yoqimli. Ammo bizning hujayralarimiz va mushaklarimiz keksalikda ham rivojlanishdan to‘xtamasligi ham muhimdir. Hozir men sog‘ligim haqida ko‘proq g‘amxo‘rlik qilyapman va o‘zimni yaxshi his qilyapman”, — deydi Jeni. U go‘zal keksayish uchun faol hayot tarzini olib boradi, ovqatlanishni nazorat qiladi, sport bilan shug‘ullanadi va ijobiy fikrlash tarafdori.

Kemeron Diaz

Kemeron Diaz hamma uchun sevimli va haligacha o‘zining yoqimtoyligi bilan muxlislarni hayratda qoldiradi. Aktrisa go‘zalligining hech qanday siri yo‘qligini aytib o‘tgan: “Men mutlaqo hech narsa qilmayman, ba’zida yuzimni ham yuvmayman. Hech qachon foydalanmagan milliardlab mahsulotim bor”. U tashqi ko‘rinishini diqqat bilan kuzatishni to‘xtatdi va qizi tug‘ilishi bilan butun e’tiborini oilasiga qaratishga qaror qildi. Aktrisa shunchaki baxtli bo‘lishni va o‘zini makiyajsiz qabul qilishni o‘rgandi.

Penelopa Kruz

Aksariyat mashhurlar ekranda eng yaxshi ko‘rinishga ega bo‘lish uchun doimiy harakatda bo‘ladi. Biroq, “Oskar” sovrindori Penelopa Kruzning fikri boshqacha: “Yoshimni yashirishni istamayman. Men hayratga tushgan barcha aktrisalar ixtiyoriy ravishda qarishni qabul qilgan. O‘zingizga g‘amxo‘rlik qilish va yaxshi his qilish juda ajoyib”.

Xelli Berri

Xelli Berri kabi ajoyib aktrisa bo‘lish oson emas: u doimo diqqat markazida. Biroq, aktrisa tashqi ko‘rinishi tez-tez tanqid qilinishiga qaramay, o‘zini hurmat qiladi. “Hammamiz qarib qolamiz, ajinlar paydo bo‘ladi, boshqacha ko‘rinishga ega bo‘lamiz. Men yuzim va tanam o‘zgarganini ko‘raman, lekin mening baxtim va muvaffaqiyatim o‘zgarmaydi. Menimcha, haqiqiy go‘zallik faqat tana bilan chegaralanmaydi”, — deydi Xelli.

Keyt Uinslet

Keyt Uinslet ko‘plab mashhur filmlarda rol o‘ynagan. Yillar o‘tsa ham aktrisaga nisbatan muxlislar muhabbati kamaymaydi, lekin u bu haqda shunday o‘ylaydi: “O‘tgan yilllar davomida men yuzimda avvalgidan ko‘ra ko‘proq o‘zgarishlarni sezdim, chunki men o‘zim bilan ko‘proq yolg‘iz qoldim va tashqi ko‘rinishimga diqqat bilan qaradim. Yengil tortish uchun men o‘zimdan roziman”.