Jahon banki ekspertlarining fikricha, global inqirozning oldini olish uchun hamma joyda import va eksport cheklovlarini yumshatish, shuningdek, oziq-ovqat va energiya yetkazib berish hajmini oshirish kerak.
Bank rahbari Devid Malpasning so‘zlariga ko‘ra, hozir dunyoda gumanitar va iqtisodiy halokat avj olmoqda.
Bundan tashqari, ko‘plab mamlakatlarda retsessiya, inflyatsiya, valyuta qadrsizlanishi va xalqaro zaxiralarning keskin qisqarishi xavfi mavjud.
Tabiiy gazning Yevropaga yo‘naltirilishi rivojlanayotgan mamlakatlarda energiya, oziq-ovqat va o‘g‘it ishlab chiqarishga katta to‘siq bo‘lmoqda, — deya ogohlantirdi Malpas.
U oziq-ovqat, o‘g‘it va energiya ta’minotini oshirishga chaqirdi. Buning uchun tabiiy gaz ishlab chiqarishni ko‘paytirish kerak, chunki u o‘g‘itlar ishlab chiqarishda va energiya tarmog‘ida asosiy rol o‘ynaydi.
Dunyo mamlakatlari eksport, import va maqsadli bo‘lmagan subsidiyalar bo‘yicha cheklovlarni yumshatishlari yoki olib tashlashlari kerak, — dedi Jahon banki rahbari.
Avvalroq Xalqaro valyuta jamg‘armasi, Jahon banki va Jahon savdo tashkiloti global oziq-ovqat inqirozi haqida ogohlantirgan edi.
Izoh (0)