Robert Levandovski “Bavariya”dan “Barselona”ga o‘tadi.
Klublar 33 yoshli polshalik hujumchining transferi borasida kelishib oldi. Kataloniyaliklar Robert uchun 45 million yevro va 5 million qo‘shimcha bonus sifatida to‘lab beradi, deya yozmoqda Janluka di Marsio.
Levandovski “ko‘k-anorranglilar” bilan bir yilga uzaytirish huquqi bilan 2025-yilga qadar mo‘ljallangan shartnoma imzolaydi.
Futbolchi yakshanba kuni bo‘lib o‘tadigan “Bavariya” taqdimot marosimida ishtirok etmaydi. U Barselonaga yo‘l oladi va yangi jamoasi bilan AQSHdagi turnega jo‘nab ketadi.
Kristian Falkning xabariga ko‘ra, juma kuni “Barselona” Levandovski uchun 3 ta taklif bildirgan: birinchisi — 40+10 million yevro, ikkinchisi — 45 million, uchinchisi — 45+5 million.
Levandovski “Bavariya”dagi 8 mavsumi davomida 375 o‘yinda 344 ta gol va 72 ta golli uzatmaga mualliflik qildi.
Izoh (0)