Antarktida osmoni yorqin pushti rangga bo‘yaldi

Yanvar oyida 7 ming kilometr uzoqlikdagi suvosti vulqonining otilishi tufayli Antarktida osmoni yorqin pushti rangga aylandi.

Osmonga katta hajmdagi aerozollar otilib, ular bir necha oy davomida stratosfera orqali harakat qilgan.

Iyul oyi boshida Antarktidada ishlayotgan tadqiqotchilar noodatiy tabiat hodisasi haqida xabar berishdi. Odatda qishning o‘rtasida (janubiy yarimsharda iyul oyida qish bo‘ladi) qit’a deyarli butunlay qorong‘i bo‘ladi, ammo bu safar osmon yorqin pushti rangga kirdi.

Olimlarning fikriga ko‘ra, bu ta’sir qit’a ustidagi stratosferada ko‘p miqdordagi aerozollar tufayli yuzaga keladi. Quyosh ufqqa yaqin yoki orqada bo‘lganda ular yorug‘likni tarqatadi va egib, pushti, ko‘k, binafsha rang soyalari bilan porlashni keltirib chiqaradi.