Qashqadaryoda bir guruh qimorbozlar qo‘lga tushdi

Qashqadaryo viloyatining Qarshi tumanida qimor o‘ynayotgan shaxslar qo‘lga tushdi.

Viloyat IIB bergan ma’lumotga ko‘ra, tuman IIB xodimlari tomonidan o‘tkazilayotgan “Xavfsiz hudud” maxsus profilaktik tadbiri davomida bir guruh qimorbozlar va ularga sharoit yaratib bergan shaxsning kirdikorlari fosh etildi.

Xususan, 10-iyul kuni tumanning “Xoniyon” MFYda yashovchi fuqaro J.U. o‘z uyida fuqarolar I.X., O.S., B.N., B.U., M.T., Y.A., D.S., D.O. va A.M.ning tavakkalchilikka asoslangan qimor o‘yini o‘ynashlari uchun sharoit yaratib bergani aniqlangan.

Voqea joyidan 1 million 250 ming so‘m miqdorda pul va 4 quti o‘yin kartasi tegishli tartibda rasmiylashtirib olingan. Hozirgi kunda holat bo‘yicha tergovga qadar tekshiruv ishlari olib borilmoqda.

Mavzuga doir: 

• Sirdaryoda zapravkadagi yashirin qimorxona fosh etildi
• Farg‘onada 100 dan ortiq qimorboz qo‘lga tushdi