Navoiy viloyatida faoliyat yurituvchi telejurnalist Ruxsora Karimova YTH oqibatida vafot etdi. Bu haqda Facebook’da uning hamkasblari ma’lum qilgan.
Facebook foydalanuvchisi Xushnud Hotamning yozishicha, Ruxsora Karimova Navoiy viloyati teleradiokompaniyasining eng iqtidorli, iste’dodli muharrirlaridan biri bo‘lgan. U avtohalokatga uchrab, vafot etgan. Aytilishicha, marhumadan uch nafar farzand qolgan.
“Daryo” muxbirining aniqlashtirishicha, Ruxsora Karimova ish yuzasidan Toshkent shahriga kelayotganda YTHga uchragan. Ammo YTH tafsilotlari hozircha noma’lum.
“O‘zimiz ham shokdamiz. Eng mahoratli va inson sifatida ham samimiy hamkasblarimizdan biri edi”, — deydi AOKAning viloyat boshqarmasi boshlig‘i Dilshod Mamarajabov.
Izoh (0)